Өмнөговь аймгийн эмч, эмнэлгийн удирдах ажилтнуудын уулзалт зөвлөгөөн хоёр өдрийн турш Нутгийн удирдлагын ордноо боллоо. Аймгийн хэмжээний бүх сумдын эмнэлгийн төлөөлөл хамруулсан уг чуулганаар Өмнөговь аймгийн эрүүл мэндийн салбарын өнөөгийн байдал, цаашид авч хэрэгжүүлж анхаарч ажиллах арга хэмжээний талаар ярилцсан. Эмнэлгийн удирдах ажилтнууд өөр өөрсдийн арга туршлага болоод үзэл бодлын талаар бие биетэйгээ хуваалцаж бие биенээсээ “номын дуу сонссон” уг уулзалтыг үр дүнтэй болсон хэмээн оролцогчид дүгнэж байна.